ab zamin par qadam nahin Tikte — Zulfiqar Naqvi

sadiyon ke baad hosh mein jo aa rahaa huun main
lagtaa hai pahle jurm ko dohraa rahaa huun main

bechaini ke lamhe saansein patthar ki
sadiyon jaise din hain raatein patthar ki

khinch li thi ik lakir-e-naa-rasaa khud darmiyaan
faasla-dar-faasla-dar-faasla honaa hi thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne