main ghar se teri tamannaa pahan ke jab niklun — Qateel Shifai

abhi to baat karo ham se doston ki tarah
phir ikhtilaaf ke pahlu nikaalte rahnaa

aakhri hichki tire zaanun pe aae
maut bhi main shaairaana chaahtaa huun

apne haathon ki lakiron mein sajaa le mujh ko
main huun teraa tu nasib apnaa banaa le mujh ko

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

dil-e-maayus ko pahne hue aati hain nazar
saikaDon hasrat-e-didaar kafan aaine mein

dil-e-aabaad kaa 'faani' koi mafhum nahin
haan magar jis mein koi hasrat-e-barbaad rahe

sar mein saudaa bhi nahin dil mein tamannaa bhi nahin
lekin is tark-e-mohabbat kaa bharosaa bhi nahin

tumhin sach sach bataao kaun thaa shirin ke paikar mein
ki musht-e-khaak ki hasrat mein koi koh-kan kyon ho

tiliyon par hai nasheman-saaz tinkon kaa gumaan
ab qafas apnaa saraapaa hasrat-e-taamir hai