Best of Allama Iqbal

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa

ye jannat mubaarak rahe zaahidon ko
ki main aap kaa saamnaa chaahtaa huun

khudi vo bahr hai jis kaa koi kinaara nahin
tu aabju ise samjhaa agar to chaara nahin

main tujh ko bataataa huun taqdir-e-umam kyaa hai
shamshir-o-sinaan avval taaus-o-raubaab aakhir

andaaz-e-bayaan garche bahut shokh nahin hai
shaayad ki utar jaae tire dil mein miri baat

mazhab nahin sikhaataa aapas mein bair rakhnaa
hindi hain ham vatan hai hindostaan hamaaraa

sau sau umidein bandhti hai ik ik nigaah par
mujh ko na aise pyaar se dekhaa kare koi

maanaa ki teri diid ke qaabil nahin huun main
tu meraa shauq dekh miraa intizaar dekh

uqaabi ruuh jab bedaar hoti hai javaanon mein
nazar aati hai un ko apni manzil aasmaanon mein

hue madfun-e-dariyaa zer-e-dariyaa tairne vaale
tamaanche mauj ke khaate the jo ban kar guhar nikle

sitaaron se aage jahaan aur bhi hain
abhi ishq ke imtihaan aur bhi hain

jis khet se dahqaan ko mayassar nahin rozi
us khet ke har khosha-e-gandum ko jalaa do

bhari bazm mein raaz ki baat kah di
baDaa be-adab huun sazaa chaahtaa huun

ishq tiri intihaa ishq miri intihaa
tu bhi abhi naa-tamaam main bhi abhi naa-tamaam

khudaavandaa ye tere saada-dil bande kidhar jaaein
ki darveshi bhi ayyaari hai sultaani bhi ayyaari

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

dil se jo baat nikalti hai asar rakhti hai
par nahin taaqat-e-parvaaz magar rakhti hai

khudi ko kar buland itnaa ki har taqdir se pahle
khudaa bande se khud puchhe bataa teri razaa kyaa hai

nasha pilaa ke giraanaa to sab ko aataa hai
mazaa to jab hai ki girton ko thaam le saaqi

faqat nigaah se hotaa hai faisla dil kaa
na ho nigaah mein shokhi to dilbari kyaa hai

anokhi vaza hai saare zamaane se niraale hain
ye aashiq kaun si basti ke yaa-rab rahne vaale hain

roz-e-hisaab jab miraa pesh ho daftar-e-amal
aap bhi sharmsaar ho mujh ko bhi sharmsaar kar

tu shaahin hai parvaaz hai kaam teraa
tire saamne aasmaan aur bhi hain

uTTho miri duniyaa ke gharibon ko jagaa do
kaakh-e-umaaraa ke dar-o-divaar hilaa do