Ghazal

"saath saath ahl-e-tamannaa kaa vo muztar jaanaa allaah allaah tiraa bazm se uTh kar jaanaa rahbari kar ke miri khizr bhi chakkar mein paDe ab unhein jalva-gah-e-yaar mein aksar jaanaa daagh-e-kam-hauslagi dil ko gavaaraa na huaa varna kuchh hijr mein dushvaar na thaa mar jaanaa saadgi se ye gumaan hai ki bas ab rahm kiyaa mutmain huun ki mujhe aap ne muztar jaanaa nashshe mein bhi tire 'bekhud' ki ta'alli na gai baada-e-hosh-rubaa ko mai-e-kausar jaanaa"

"yunhi rahaa jo buton par nisaar dil meraa karegaa mujh ko zamaane mein khvaar dil meraa chali chali mizha-e-ashk-baar aankh miri jalaa jalaa nafas-e-shoala-baar dil meraa ajiib munis o hamdard o zi-muravvat thaa ghariq-e-rahmat-e-parvardigaar dil meraa vafur-e-sharm se vaan ijtinaab madd-e-nazar hujum-e-shauq se yaan be-qaraar dil meraa banaa diyaa use khud-bin o khud-numaa 'bekhud' huaa hai aaina-e-husn-e-yaar dil meraa"

"kyuun miraa haal qissa-khvaan se suno ye kahaani miri zabaan se suno gham hi gham hai mire fasaane mein dukh hi dukh hai use jahaan se suno mujh se puchho tum apne ji kaa haal raaz ki baat raaz-daan se suno gham mire dil mein tum ho parde mein sach to hai tum use kahaan se suno chhup gayaa hai fasaana-e-'bekhud' kabhi tum bhi to qissa-khvaan se suno"

"is bazm mein na hosh rahegaa zaraa mujhe ai shauq-e-harza-taaz kahaan le chalaa mujhe ye dard-e-dil hi ziist kaa baa'is hai chaara-gar mar jaaungaa jo aai muaafiq davaa mujhe is zauq-e-ibtilaa kaa maza us ke dam se hai sab kuchh milaa milaa ho dil-e-mubtalaa mujhe dair-o-haram ko dekh liyaa khaak bhi nahin bas ai talaash-e-yaar na dar dar phiraa mujhe ye dil se duur ho na dikhaae khudaa vo din zaalim tiraa khayaal hai dil se sivaa mujhe ranj-o-malaal o hasrat-o-armaan-o-aarzu jaane se ek dil ke bahut kuchh milaa mujhe main jaantaa huun aap hain mast apne haal mein 'bekhud' nahin hai aap se mutlaq gilaa mujhe"

"hain vasl mein shokhi se paaband-e-hayaa aankhein allaah-re zaalim ki mazlum-numaa aankhein aafat mein fansaaeingi divaana banaaeingi vo ghaaliya-saa zulfein vo hosh-rubaa aankhein kyaa jaaniye kyaa kartaa kyaa dekhtaa kyaa kahtaa zaahid ko bhi meri si detaa jo khudaa aankhein rahm un ko na aayaa thaa to sharm hi aa jaati be-daad ke shikve par jhuktin to zaraa aankhein tum jaan ko kho baiTho yaa aankhon ko ro baiTho 'bekhud' na milaaeinge vo tum se zaraa aankhein"

"kyuun main ab qaabil-e-jafaa na rahaa kyaa huaa kahiye mujh mein kyaa na rahaa un ki mahfil mein us ke charche hain mujh se achchhaa miraa fasaana rahaa vaaiz o mohtasib kaa jamghaT hai mai-kada ab to mai-kada na rahaa uf-re naa-aashnaaiyaan us ki chaar din bhi to aashnaa na rahaa laakh parde mein koi kyuun na chhupe raaz-e-ulfat to ab chhupaa na rahaa itni maayusiyaan bhi kyaa 'bekhud' kyaa khudaa kaa bhi aasraa na rahaa"

"payaam le ke jo paighaam-bar ravaana huaa hasad ko hiila milaa ashk ko bahaana huaa vo meri aah jo sharminda-e-asar na hui vo meraa dard jo minnat-kash-e-davaa na huaa khayaal mein na rahin suratein azizon ki vatan se chhuTe hue is qadar zamaana huaa vo daagh jis ko jagah dil mein di thi jite-ji charaagh bhi to hamaare mazaar kaa na huaa pari-vashon ko sunaate hain qissa-khvaan 'bekhud' hamaaraa haal na Thahraa koi fasaana huaa"

"raqibon kaa mujh se gilaa ho rahaa hai ye kyaa kar rahe ho ye kyaa ho rahaa hai duaa ko nahin raah milti falak ki kuchh aisaa hujum-e-balaa ho rahaa hai vo jo kar rahe hain bajaa kar rahe hain ye jo ho rahaa hai bajaa ho rahaa hai vo naa-aashnaa bevafaa meri zid se zamaane kaa ab aashnaa ho rahaa hai chhupaae hue dil ko phirte hain 'bekhud' ki khvaahaan koi dil-rubaa ho rahaa hai"

"naale mein kabhi asar na aayaa is nakhl mein kuchh samar na aayaa allaah-ri meri be-qaraari chain un ko bhi raat bhar na aayaa kahtaa huun ki aa hi jaaegaa sabr ye fikr bhi hai agar na aayaa ghaflat ke paDe hue the parde vo paas rahaa nazar na aayaa aankhon se huaa jo koi ojhal 'bekhud' mujhe kuchh nazar na aayaa"

"un ko dimaagh-e-pursish-e-ahl-e-mehan kahaan ye bhi sahi to ham ko majaal-e-sukhan kahaan ik buund hai lahu ki magar be-qaraar hai dil ko chhupaae zulf-e-shikan-dar-shikan kahaan tamkin-e-khaamushi ne unhein but banaa diyaa sab is gumaan mein hain ki un ke dahan kahaan vo shaam-e-vaada mahv hain aaraaishon mein aur pahunchaa hai le ke mujh ko miraa su-e-zan kahaan 'bekhud' na kyuun hon duri-e-ustaad hai malul socho to maarvaaD kahaan hai dakan kahaan"

"aah karnaa dil-e-hazin na kahin aag lag jaaegi kahin na kahin mire dil se nikal ke duniyaa mein chain se hasratein rahin na kahin be-hijaabi nigaah-e-ulfat ki dekhe vo sharmgin kahin na kahin aa gae lab pe dil-nashin naale jaa hi pahuncheinge ab kahin na kahin ham samajhte hain hazrat-e-'bekhud' choT khaa aae ho kahin na kahin"

"shikva sun kar jo mizaaj-e-but-e-bad-khu badlaa ham ne bhi saath hi taqrir kaa pahlu badlaa kahiye to kis ke phansaane ki ye tadbirein hain aaj kyuun chin-ba-jabin se kham-e-gesu badlaa ik tiraa rabt ki do din kabhi yaksaan na rahaa ik miraa haal ki hargiz na sar-e-mu badlaa un hasinon hi ko zebaa hai talavvun ai dil haan khabar-daar jo bhule se kabhi tu badlaa dil-e-muztar ki taDap se jo main taDpaa 'bekhud' chaara-gar khush hain ki bimaar ne pahlu badlaa"

"gardish-e-chashm-e-yaar ne maaraa daur-e-lail-o-nahaar ne maaraa mar rahaa huun magar nahin martaa khalish-e-intizaar ne maaraa sakht-jaani miri jo sun paai dam na phir tegh-e-yaar ne maaraa vasl mein bhi ye muztarib hi rahaa is dil-e-be-qaraar ne maaraa ham to jiite abhi magar 'bekhud' sitam-e-rozgaar ne maaraa"

"kabhi hayaa unhein aai kabhi ghurur aayaa hamaare kaam mein sau sau tarah futur aayaa hazaar shukr vo aashiq to jaante hain mujhe jo kahte hain ki tiraa dil kahin zarur aayaa jo baa-havaas thaa dekhaa usi ne jalva-e-yaar jise surur na aayaa use surur aayaa khudaa vo din bhi dikhaae ki main kahun 'bekhud' janaab-e-'daagh' se milne main raam-pur aayaa"

"haasil us mah-laqaa ki diid nahin iid hai aur ham ko iid nahin chheD dekho ki khat to likkhaa hai mere khat ki magar rasid nahin jaante hon umid-vaar mujhe un se ye bhi mujhe umiid nahin yuun taraste hain mai ko goyaa ham pir-e-mai-khaana ke murid nahin khuun ho jaaein khaak mein mil jaaein hazrat-e-dil se kuchh baiid nahin aao mere mazaar par bhi kabhi kushta-e-naaz kyaa shahid nahin ham to maayus hain magar 'bekhud' dil-e-naa-fahm naa-umid nahin"

"dard-e-dil mein kami na ho jaae dosti dushmani na ho jaae tum miri dosti kaa dam na bharo aasmaan muddai na ho jaae baiThtaa hai hamesha rindon mein kahin zaahid vali na ho jaae taal-e-bad vahaan bhi saath na de maut bhi zindagi na ho jaae apni khu-e-vafaa se Dartaa huun aashiqi bandagi na ho jaae kahin 'bekhud' tumhaari khuddaari dushman-e-be-khudi na ho jaae"

"jis mein saudaa nahin vo sar hi nahin dard jis mein nahin jigar hi nahin log kahte hain vo bhi hain bechain kuchh ye be-taabiyaan idhar hi nahin dil kahaan kaa jo dard-e-dil hi na ho sar kahaan kaa jo dard-e-sar hi nahin be-khabar jin ki yaad mein hain ham khair se un ko kuchh khabar hi nahin 'bekhud'-e-mahv o shikva-haa-e-itaab is manush kaa to vo bashar hi nahin"

"hashr par vaada-e-didaar hai kis kaa teraa laakh inkaar ik iqraar hai kis kaa teraa na davaa se use matlab na shifaa se sarokaar aise aaraam mein bimaar hai kis kaa teraa laakh parde mein nihaan shakl hai kis ki teri jalva har shai se numudaar hai kis kaa teraa aur paamaal-e-sitam kaun hai tu hai 'bekhud' us sitamgar se sarokaar hai kis kaa teraa"