Ghazal

"falak ke haathon jidhar munh uThaae jaataa huun udhar se juun gul-e-baazi tapaancha khaataa huun kabhi hai aankhon mein zar diida pe nigah un ki ki main har ek se aankh apni ab churaataa huun havaa ke ghoDe pe jab vo savaar hote hain to paa ke vaqt main kyaa kyaa maze uDaataa huun khilaafi un ke vo aankhein jo yaad aati hain to apni aankhon ko ro ro ke main sujaataa huun balaa se gar nahin milte vo mujh se par 'maaruf' unhon kaa shahr main aashiq to main kahaataa huun"

"shakl-e-aks-o-aaina masjid thi yaa mai-khaana thaa aap to mehmaan thaa aur aap saahab-khaana thaa kis ko jurat thi jo kartaa teri aaraaish-giri surat-e-shamshaad to khud zulf thaa khush shaana thaa husn se tere huaa hai ishq kaa baazaar garm tu agar jalva na kartaa ham ko bhi saudaa na thaa thi sahar 'maaruf' shaakh-e-sarv-e-gul kham jaa-ba-jaa har kaf-e-khaake--chaman goyaa ibaadat-khaana thaa"

"bas hi hamein yak nazar misl-e-sharar dekhnaa kis ko mile baa-nasib baar-e-digar dekhnaa aaina-saan kyaa gharaz ham ko bad-o-nek se saamne jo aa gayaa ek nazar dekhnaa aur to baatein buri chhaT gaiin sab jite-ji aankh munde par chhaTaa ek magar dekhnaa sar ko uTh kar zaraa dekhiye meri taraf aa ke udhar baiThnaa aur idhar dekhnaa dekhiye 'maaruf' ab kyuun ki dil-o-din rahe is but-e-kaafir kaa hai ye hi agar dekhnaa"

"aah vo kaun thaa khudaa maaraa jis ne us se mujhe lagaa maaraa kyaa ghazab thi vo jumbish-e-abru saaf jaise ki nimchaa maaraa baad muddat mile the kal un se aaj logon ne phir lagaa maaraa vasl ki shab bhi main na soyaa aah roz-e-hijr un ke khauf kaa maaraa paa ke marzi khulaa jo baaton mein ye hansaayaa ki bas luTaa maaraa jins-e-sabr-o-khirad luTe 'maaruf' mulk-e-dil fauj-e-gham ne aa maaraa"

"avval to main ruktaa nahin aur jis se rukun main taa-hashr ye mumkin nahin phir us se milun mein ye aur sunaai ki miri baat to sun le jo teri kahe aan ke us ki na sunun main ye khuub kahi dekheinge kab tak na milegaa is baat pe gar chaaho to ab sharm karun main aapas mein agar charkh-o-zamin dinon ye mil jaaein to bhi na kabhi tujh se milaa huun na milun main tab naam hai 'maaruf' dharaa rah to sahi jab chhaati pe tiri aaTh-pahr muung dalun main"

"is zulf pe mahv ho gae ham yaani sar-e-shaam so gae ham kahte the hamesha jaao jaao aakhir ik roz lo gae ham ai mehr-laqaa misaal-e-saaya tujh mein apne ko kho gae ham apne aamad-o-raft mauj-e-dariyaa jaate nahin yaan se go gae ham kyaa sher hain aab-daar 'maaruf' goyaa moti piro gae ham"

"na ham mahv-e-khayaal abru-e-kham-daar sote hain sipaahi hain zi-bas baandhe hue talvaar sote hain tumhaaraa sote sote chaunk paDnaa khab gayaa dil mein ki aksar khud-bakhud ho ho ke ham bedaar sote hain ilaahi ham ko hai kis kaa khayaal-e-khvaab-o-be-daari jo laakhon haar uThte hain hazaaron yaar sote hain nigaah-e-mast-e-saaqi mein hai kyaa daaraa-e-be-hoshi ki saaghar lag rahaa hai munh se aur mai-khvaar sote hain na kar vasvaas dil mein chal vahaan 'maaruf' be-khaTke ki darbaan unghtaa hai aur chaukidaar sote hain"

"chupke chupke ek to Tiis aap jamaani auron se tis ulTi ham ko tohmat aa ke lagaani auron se ham se to bas baandhe rakhti sharm ki paTTi aankhon par chori chori mahfil mein par aankh laDaani auron se auron ke to ham se na kahne ham se le kar ji ki baat juun ki tuun sab baat ye kyuun ji jaa ke sunaani auron se mujh se kaho ho aahein bhar bhar huuk jigar mein uThti hai aur yunhi dar-parda apni chaah jataani auron se laung khilaaein ham jo kabhi to us ko Daalo munh se thuuk aur ye kyuun ji roz mufaarreh chhinke khaani auron se auron ke to ghar mein jaa kar dauD ke piini aap sharaab mere aage pi nahin sakte maang ke paani auron se ham jo paDhein koi sher to kahnaa sher se ham ko zauq nahin 'mir'-hasan ke ghar mein kahaani jaa ke paDhaani auron se parda is mein kyaa hai pyaare duniyaa mein 'maaruf' hai ye aashiq se hai bair tujhe aur ulfat jaani auron se"

"sag-e-lailaa ke naqsh-e-paa hain ham yaani majnun ke rahnumaa hain ham kyuun na ho dushmanon ke ghar maatam dost ke kushta-e-jafaa hain ham tum ko dil ki bhi hai kasu ke khabar dil mein khush ho ki dil-rubaa hain ham jis qadar ham ko samjhiye be-qadr qadr mein us se bhi sivaa hain ham kyuun na miTTi kharaab ho apni is kharaabaat ki binaa hain ham kis se rakhiye ghubaar ai 'maaruf' ek aalam ki khaak-e-paa hain ham"

"na khvaahish hai gadaai ki na hai armaan shaahi kaa ilaahi ishq de bande ko mahbub-e-ilaahi kaa agar rakkhe tire kuche ki sarhad se qadam baahar gumaan phir khizr par le jaaein ham gum-karda raahi kaa yahaan to daagh-e-khun daaman se dhoyaa tu ne ai haamil vahaan ik din khilegaa gul hamaari be-gunaahi kaa bahut aashiq to maqtul-e-nigaah-o-ghamza hain lekin ye teraa nim-jaan bismil hai teri kam-nigaahi kaa ghulaami 'khusrav'-e-dehli ki hai 'maaruf' fakhr apnaa ki ham aashiq hai ham maashuq mahbub-e-ilaahi kaa"

"jaam de aur na kar vaqt pe takraar ki bas saaqiyaa abr uThaa hai ye dhuaan-dhaar ki bas kyaa tamaashaa hai jo kal raat vo laae tashrif be-khudi ne ye liyaa aan ke yakbaar ki bas kyuun na dil aise ko duun main ne kal un se jo kahaa dard hotaa hai mire dil mein ye ai yaar ki bas sunte hi ho ki ham aaghosh kahaa hans ke tujhe dard-e-dil ki hai davaa aur bhi darkaar ki bas rashk se kyuun na jale mehr-e-darakhshaan 'maaruf' hai mire yaar ki ye garmi-e-baazaar ki bas"

"kab tasavvur mein tire dida-e-tar band kiyaa khaana-e-aaina mein tujh ko nazar-band kiyaa kyaa nazaakat hai sabaa us ki kamar ki jis ne subh-dam taar-e-rag-e-gul se kamar-band kiyaa dil kaa ahvaal jo khultaa nahin tu ne ai chashm qaasid-e-ashk ko aane se magar band kiyaa raahat-e-khvaab-e-adam dekh ke sab ne yak-dast naqsh-e-paa se kaf-e-har-khaak mein dar-band kiyaa dekh 'maaruf' ki us shokh ne shab ko yak-dast taair-e-rang-e-hinaa ko ba-hunar band kiyaa"

"likhun firaaq ki gar vaardaat vasli par judaa judaa huun tapaan mufridaat vasli par likhaa thaa main ne jo bakht-e-siyaah kaa ahvaal giri siyaahi ki aakhir davaat vasli par hamaare yaar ne tifli mein bhi sivaae sitam likhaa nahin raqam-e-iltifaat vasli par ye baat nikle hai andaaz se ki ab 'maaruf' likhegaa us lab-e-shirin ki baat vasli par"

"aah vo kaun thaa khudaa-maaraa jis ne us se mujhe lagaa maaraa ek hai tu bhi bad-balaa ai chashm dil ko phir zulf mein phansaa maaraa kyaa ghazab bhi vo jumbish-e-abru saaf jis ne ki nimchaa maaraa baad muddat mile the kal un se aaj logon ne phir laDaa maaraa vasl ki shab bhi main na soyaa aah shab-e-hijraan ke khauf kaa maaraa"

"chalne mein saaya ham-qad-e-jaanaan hai dusraa kyaa saaf misraa ek se chaspaan hai dusraa bole vo apni shakl ko aap aaine mein dekh dariyaa ke paar aur gulistaan hai dusraa bejaa nahin gar us kaa falak par dimaagh ho yaaro zamin pe vo mah-e-taabaan hai dusraa 'maaruf' kis kaa yaan se nikalne ko ji kare dehli ajab jagah hai paristaan hai dusraa"

"kar na rusvaa dil-e-betaab bas ai vaae hamein shab ke naalon se khajil karte hain ham-saae hamein dosto bahr-e-khataa koi to batlaao ilaaj ki shab-e-hijr sar-e-shaam se niind aae hamein taaziyat-e-naama-e-uftaada sar-e-raah mein ham ro paDe dekh ke jo shakhs paDaa paae hamein khub-ruyon ko jahaan dekhte hain ai 'maaruf' hasrat aati hai ki aisaa na kiyaa haae hamein"

"le chalo mujh ko us aaina-e-rukhsaar ke paas khaak us ziist pe jo yaar na ho yaar ke paas nargis-e-chashm kaa mat rakh dil-e-ranjur khayaal yaani bimaar ko rakhte nahin bimaar ke paas sar miraa tan se agar duur kiyaa sar sadqe rakhiyo qaatil to mujhe apni hi divaar ke paas chashm-e-mast us ki se aakhir ko hoi ham bhi kharaab hai yahi us ki sazaa baiThe jo mai-khvaar ke paas yuun khayaal us kaa sar-afraaz kare hai 'maaruf' shah qadam-ranja kare juun kasu naadaar ke paas"

"did-e-duniyaa habaab ki si hai us ki taabir khvaab ki si hai saaqiyaa mai kahaan hai shishe mein raushni aaftaab ki si hai pairahan mein numud tan se tire halki ek tah shahaab ki si hai kis kaa vasf dahan kiyaa thaa ki aaj munh mein khushbu gulaab ki si hai haalat ab dil ki hijr mein 'maaruf' ek shahr-e-kharaab ki si hai"

"puchho na kuchh kaTe hai ab auqaat kis tarah hai ye hi gham ki aaeinge vo haat kis tarah 'maaruf' se ye main ne jo puchhaa ki in dinon batlaa tire guzarte hai auqaat kis tarah kahne lagaa ki rote guzartaa hai mujh ko din phir main kahaa ki din to huaa raat kis tarah bolaa ki raat vaqt-e-mulaaqaat-e-yaar hai puchhaa jo main ki shakl-e-mulaaqaat kis tarah bolaa ki ham ko ek munaajaat yaad hai main ne kahaa sunin vo munaajaat kis tarah be-ikhtiyaar ro ke kahaa dil lagaa kahin kahne ki baat hai ye kahun baat kis tarah"

"vo nigah dil pe paDi daagh jigar ke hote dikhaai talvaar sadaa afsos sipar ke hote kaaba-o-dair ko apnaa to yahin se hai salaam dar-ba-dar kaun phire yaar ke dar ke hote teri aankhon ke tasavvur mein hai sair-e-kaunain varna ham log idhar ke na idhar ke hote ham ko 'maaruf' agar sher savaari detaa to bhi paa-bos-e-sag-e-yaar utar ke hote"