aati hai dhaar un ke karam se shuur mein — Aale Ahmad Suroor

ab dhanak ke rang bhi un ko bhale lagte nahin
mast saare shahr vaale khuun ki holi mein the

husn kaafir thaa adaa qaatil thi baatein sehr thiin
aur to sab kuchh thaa lekin rasm-e-dildaari na thi

saahil ke sukun se kise inkaar hai lekin
tufaan se laDne mein mazaa aur hi kuchh hai

tumhaari maslahat achchhi ki apnaa ye junun behtar
sambhal kar girne vaalo ham to gir gir kar sambhle hain

ham jis ke ho gae vo hamaaraa na ho sakaa
yuun bhi huaa hisaab baraabar kabhi kabhi

bastiyaan kuchh huiin viraan to maatam kaisaa
kuchh kharaabe bhi to aabaad huaa karte hain

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

in rozon lutf-e-husn hai aao to baat hai
do din ki chaandni hai phir andhiyaari raat hai

kahte hain mere dost miraa haal dekh kar
dushman ko bhi khudaa na kare mubtalaa-e-ishq

chaman mein gul ne jo kal daava-e-jamaal kiyaa
jamaal-e-yaar ne munh us kaa khuub laal kiyaa