dariyaaon ki nazr hue — Aashufta Changezi

tujh se bichhaDnaa koi nayaa haadsa nahin
aise hazaaron qisse hamaari khabar mein hain

ye baat yaad rakheinge talaashne vaale
jo us safar pe gae lauT kar nahin aae

arse se is dayaar ki koi khabar nahin
mohlat mile to aaj kaa akhbaar dekh lein

kyuun khilaune TuTne par aab-dida ho gae
ab tumhein ham kyaa bataaein kyaa pareshaani hui

ek manzar mein lipTe badan ke sivaa
sard raaton mein kuchh aur dikhtaa nahin

sabhi ko apnaa samajhtaa huun kyaa huaa hai mujhe
bichhaD ke tujh se ajab rog lag gayaa hai mujhe

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

shadid pyaas thi phir bhi chhuaa na paani ko
main dekhtaa rahaa dariyaa tiri ravaani ko

jokham ai mardum-e-dida hai samajh ke ronaa
Duub bhi jaate hain dariyaa mein nahaane vaale

us ki fitrat hai mukar jaane ki
us ke vaa'de pe yaqin kaise karun

nazar uThaao zaraa tum to kaainaat chale
hai intizaar ki aankhon se koi baat chale

maze jahaan ke apni nazar mein khaak nahin
sivaae khun-e-jigar so jigar mein khaak nahin