ye baat yaad rakheinge talaashne vaale — Aashufta Changezi

tujh se bichhaDnaa koi nayaa haadsa nahin
aise hazaaron qisse hamaari khabar mein hain

arse se is dayaar ki koi khabar nahin
mohlat mile to aaj kaa akhbaar dekh lein

kyuun khilaune TuTne par aab-dida ho gae
ab tumhein ham kyaa bataaein kyaa pareshaani hui

ek manzar mein lipTe badan ke sivaa
sard raaton mein kuchh aur dikhtaa nahin

aankh khulte hi bastiyaan taaraaj
koi lazzat nahin hai khvaabon mein

sabhi ko apnaa samajhtaa huun kyaa huaa hai mujhe
bichhaD ke tujh se ajab rog lag gayaa hai mujhe

mere khvaabon ke jharokon ko sajaate rahiye
na sahi vasl magar yaad to aate rahiye

pahle us ko yaad kiyaa hai
phir aansu ijaad kiyaa hai

hamaari laash gulistaan mein dafn kar sayyaad
chaman se duur koi nauha-khvaan rahe na rahe

sadaaein ek si yaksaaniyat mein Duub jaati hain
zaraa saa mukhtalif jis ne pukaaraa yaad rahtaa hai

zaraa der baiThe the tanhaai mein
tiri yaad aankhein dukhaane lagi

yaadon ne use toD diyaa maar ke patthar
aaine ki khandaq mein jo parchhaain paDi thi