khauf aisaa hai ki duniyaa ke sataae hue log — Abbas Rizvi

kyaa karun khilat o dastaar ki khvaahish ki mujhe
ziist karne kaa saliqa bhi ziyaan se aayaa

vo habs thaa ki tarasti thi saans lene ko
so ruuh taaza hui jism se nikalte hi

talab karein to ye aankhein bhi in ko de duun main
magar ye log in aankhon ke khvaab maangte hain

ajiib turfa-tamaashaa hai mere ahd ke log
savaal karne se pahle javaab maangte hain

bahut aziiz thi ye zindagi magar ham log
kabhi kabhi to kisi aarzu mein mar bhi gae

tamaam umr ki be-taabiyon kaa haasil thaa
vo ek lamha jo sadiyon ke pesh-o-pas mein rahaa

bajaa hai khvaab-navardi pa khvaab aaise hon
khule jo aankh to apnaa hi ghar khanDar na lage

'ajib haal hai tujh se bichhaD ke bhi ab tak
ye dil tujhi se bichhaDne ke Dar mein rahtaa hai

roz ye khvaab Daraataa hai mujhe
koi saaya liye jaataa hai mujhe

hain hamaare jitne leader sabhi bhuTTe chor kyon hain
koi chaara-saaz hotaa koi gham-gusaar hotaa

mahsur khud hain apne suron ko liye khaDe
dahshat si chhaa gai hai sitam ki sipaah mein

kyuun mujrim-e-vafaa se hain ye bad-gumaaniyaan
kyuun Dar rahe hain purshish-e-roz-e-jazaa se aap