tamaam umr ki be-taabiyon kaa haasil thaa — Abbas Rizvi

kyaa karun khilat o dastaar ki khvaahish ki mujhe
ziist karne kaa saliqa bhi ziyaan se aayaa

vo habs thaa ki tarasti thi saans lene ko
so ruuh taaza hui jism se nikalte hi

talab karein to ye aankhein bhi in ko de duun main
magar ye log in aankhon ke khvaab maangte hain

ajiib turfa-tamaashaa hai mere ahd ke log
savaal karne se pahle javaab maangte hain

bahut aziiz thi ye zindagi magar ham log
kabhi kabhi to kisi aarzu mein mar bhi gae

khauf aisaa hai ki duniyaa ke sataae hue log
kabhi mimbar kabhi mehraab se Dar jaate hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kuchh itne ho gae maanus sannaaTon se ham 'akhtar'
guzarti hai giraan apni sadaa bhi ab to kaanon par

udaasi kaa samundar dekh lenaa
miri aankhon mein aa kar dekh lenaa

shaayad apnaa hi taaaqub hai mujhe sadiyon se
shaayad apnaa hi tasavvur liye jaataa hai mujhe