saaqi mujhe sharaab ki tohmat nahin pasand — Abdul Hamid Adam

taklif miT gai magar ehsaas rah gayaa
khush huun ki kuchh na kuchh to mire paas rah gayaa

sirf ik qadam uThaa thaa ghalat raah-e-shauq mein
manzil tamaam umr mujhe DhunDhti rahi

kahte hain umr-e-rafta kabhi lauTti nahin
jaa mai-kade se meri javaani uThaa ke laa

jin se insaan ko pahunchti hai hamesha taklif
un kaa daavaa hai ki vo asl khudaa vaale hain

ik hasin aankh ke ishaare par
qaafile raah bhuul jaate hain

ai gham-e-zindagi na ho naaraaz
mujh ko aadat hai muskuraane ki

har taraf hain khaana-barbaadi ke manzar be-shumaar
kuchh Thikaana hai bhalaa is jazba-e-taamir kaa

ghurur-e-husn na kar jazba-e-zulekhaa dekh
kiyaa hai ishq ne yusuf ghulaam aashiq kaa

nisyah-o-naqd-e-do-aalam ki haqiqat maalum
le liyaa mujh se miri himmat-e-aali ne mujhe

ise bhi 'zafar' meri himmat hi samjho
kahin ho na paayaa kahin ho gayaa huun

kufr se ye jo munavvar miri peshaani hai
zaahir is se bhi miraa jazba-e-imaani hai

chalne kaa hausla nahin ruknaa muhaal kar diyaa
ishq ke is safar ne to mujh ko niDhaal kar diyaa