saath dene ki baat saare karein — Abdurrahman Wasif

abhi se mat mire kirdaar ko maraa huaa jaan
tire fasaane mein zikr aaegaa dobaaraa miraa

ik intizaar mein qaaem hai is charaagh ki lau
ik ehtimaam mein kamre kaa dar khulaa huaa hai

mujhe ab aa gae hain nafraton ke biij bone
so meraa haq ye bantaa hai ki sardaari karungaa

koi charaagh miri samt bhi ravaana karo
bahut dinon se andheraa mire vajud mein hai

ye teraa maal kisi roz Das hi legaa tujhe
agar tu is mein se khairaat kuchh nahin karegaa

thaamungaa nahin ab ke munaajaat kaa daaman
dil tujh se uThaa aur tire dar se uThaa main

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

miTe ye shubh to a dost tujh se baat karein
hamaari pahli mulaaqaat aakhiri to nahin

kuchh ghazlein un zulfon par hain kuchh ghazlein un aankhon par
jaane vaale dost ki ab ik yahi nishaani baaqi hai

ye haadisa bhi huaa hai ki ishq-e-yaar ki yaad
dayaar-e-qalb se begaana-vaar guzri hai

har lamha maangte hain duaa did-e-yaar ki
yaad-e-butaan bhi dil mein hai yaad-e-khudaa ke saath