'haqqi'-e-dil-girafta ke bas mein na jaane kab nahin — Abul Hasanat Haqqi

apne manzar se alag hotaa nahin hai koi rang
apni aankhon ke sivaa baad-e-bahaari aur kyaa

badan khud apni hi tajsim kar nahin paate
qarib aayaa to aankhon ko khvaab main ne diyaa

main apne zahr se vaaqif huun vo samajhtaa nahin
hai mere kisa-e-sad-kaam mein sharaafat bhi

vo mehrbaan nahin hai to phir khafaa hogaa
koi to raabta us ko bahaal rakhnaa hai

ye sach hai us se bichhaD kar mujhe zamaana huaa
magar vo lauTnaa chaahe to phir zamaana bhi kyaa

duur rahtaa hai magar jumbish-e-lab bos-o-kanaar
Dubtaa rahtaa hai dariyaa mein kinaaraa kyaa kyaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

dilli mein dard-e-dil kuun koi puchhtaa nahin
mujh kuun qasam hai khvaaja-qutub ke mazaar ki