jis ko meri haalat kaa ehsaas nahin — Afzaal Firdaus

is tarah sataayaa hai pareshaan kiyaa hai
goyaa ki mohabbat nahin ehsaan kiyaa hai

kisi ne mujh se kah diyaa thaa zindagi pe ghaur kar
main shaakh par khilaa huaa gulaab dekhtaa rahaa

mushkil thaa bahut mere liye tark-e-taalluq
ye kaam bhi tum ne miraa aasaan kiyaa hai

divaaron mein dar hotaa to achchhaa thaa
apnaa koi ghar hotaa to achchhaa thaa

ai mere musavvir nahin ye main to nahin huun
ye tu ne banaa Daali hai tasvir koi aur

rang aa jaate muTThi mein jugnu ban kar
khushbu kaa paikar hotaa to achchhaa thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

ranjishein aisi hazaar aapas mein hoti hain dilaa
vo agar tujh se khafaa hai tu hi jaa mil kyaa huaa

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

misl-e-majnun jo pareshaan hai bayaabaan mein aaj
kyuun dilaa kaun samaayaa hai tire dhyaan mein aaj