ghar aur bayaabaan mein koi farq nahin hai — Ahmad Javaid

ek aansu se kami aa jaaegi
ghaaliban dariyaaon ke iqbaal mein

ajab safar thaa ajab-tar musaafirat meri
zamin shuru hui aur main tamaam huaa

dil se baahar aaj tak ham ne qadam rakkhaa nahin
dekhne mein zaahiraa lagte hain sailaani se ham

duniyaa mire paDos mein aabaad hai magar
meri duaa-salaam nahin us zalil se

sukh ki khaatir dukh mat bech
jaal ke pichhe jaal na Daal

gahvaara-e-safar mein khuli hai hamaari aankh
taamir apne ghar ki hui sang-e-mil se

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

vo raatein kaif mein Duubi vo teri pyaar ki baatein
nikal paDte hain aansu jab kabhi ham yaad karte hain

gar nahin ye 'ishq to phir aur kyaa shai hai bhalaa
jo pas-e-parda rahe aur qalb meraa khaae hai

zindagi jis ne talkh ki meri
vo mujhe zindagi se pyaaraa hai

dete phirte the hasinon ki gali mein aavaaz
kabhi aaina-farosh-e-dil-e-hairaan ham the