gham-e-habib gham-e-zindagi gham-e-dauraan — Ahmad Riyaz

shikast-e-ahd-e-sitam par yaqin rakhte hain
ham intihaa-e-sitam kaa gilaa nahin karte

fart-e-gham-e-havaadis-e-dauraan ke baavajud
jab bhi tire dayaar se guzre machal gae

main nukta-chin nahin huun magar ye bataaiye
vo kaun the jo hans ke gulon ko masal gae

kuchh is tarah se luTi hai mataa-e-dida-o-dil
ki ab kisi se bhi zikr-e-vafaa nahin karte

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

'jalil' ik sher bhi khaali na paayaa dard o hasrat se
ghazal-khvaani nahin ye dar-haqiqat nauha-khvaani hai

vo to kyaa us kaa tasavvur bhi 'jalil'
ba-sad-andaaz-o-ba-sad-naaz aaya