makinon ke ta'alluq hi se yaad aati hai har basti — Aitbar Sajid

abhi rail ke safar mein hain bahut nihaal donon
kahin rog ban na jaae yahi saath do ghaDi kaa

kisi ko saal-e-nau ki kyaa mubaarakbaad di jaae
calender ke badalne se muqaddar kab badaltaa hai

ab to khud apni zarurat bhi nahin hai ham ko
vo bhi din the ki kabhi teri zarurat ham the

ek hi shahr mein rahnaa hai magar milnaa nahin
dekhte hain ye aziyyat bhi gavaara kar ke

guftugu der se jaari hai natije ke baghair
ik nai baat nikal aati hai har baat ke saath

phuul the rang the lamhon ki sabaahat ham the
aise zinda the ki jiine ki alaamat ham the

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

haae re majburiyaan mahrumiyaan naakaamiyaan
ishq aakhir ishq hai tum kyaa karo ham kyaa karein

ham ishq ke maaron kaa itnaa hi fasaanaa hai
rone ko nahin koi hansne ko zamaanaa hai

mohabbat mein ye kyaa maqaam aa rahe hain
ki manzil pe hain aur chale jaa rahe hain

sabhi andaaz-e-husn pyaare hain
ham magar saadgi ke maare hain