hazaar manzil-e-gham se guzar chuke lekin — Ajmal Ajmali

kitni tavil kyuun na ho baatil ki zindagi
har raat kaa hai subh muqaddar na bhulnaa

maan ne likhaa hai khat mein jahaan jaao khush raho
mujh ko bhale na yaad karo ghar na bhulnaa

jab bhi miltaa huun vahi chehra liye
bad-duaa detaa hai aaina mujhe

taar-e-nazar bhi gham ki tamaazat se khushk hai
vo pyaas hai mile to samundar sameT luun

aarzu thi khinchte ham bhi koi aks-e-hayaat
kyaa karein ab ke lahu aankhon se Tapkaa hi nahin

vaqt-e-safar qarib hai bistar sameT luun
bikhraa huaa hayaat kaa daftar sameT luun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

kashish tujh si na thi tere ghamon mein
lab-o-lahja magar haan hu-ba-hu thaa

aur kuchh der gham nazar mein rakh
kyaa khabar mil hi jaae thaah kahin