bas ek shaam kaa har shaam intizaar rahaa — Ajmal Siraj

ye bhi tai hai ki jo boeinge vo kaaTeinge yahaan
aur ye bhi ki jo khoeinge vahi paaeinge

ab aap khud hi bataaein ye zindagi kyaa hai
karam bhi us ne kiye hain magar sitam jaise

kyaa kahegaa kabhi milne bhi agar aaegaa vo
ab vafaadaari ki qasmein to nahin khaaegaa vo

ye jo ham khoe khoe rahte hain
is mein kuchh dakhl hai tumhaaraa bhi

gham sabhi dil se rukhsat hue
dard be-intihaa rah gayaa

main ne ai dil tujhe siine se lagaayaa huaa hai
aur tu hai ki miri jaan ko aayaa huaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

koi to hogaa jis ko miraa intizaar hai
kahtaa hai dil ke shahr-e-tamannaa mein le ke chal

ik intizaar mein qaaem hai is charaagh ki lau
ik ehtimaam mein kamre kaa dar khulaa huaa hai

bajaae siine ke aankhon mein dil dhaDaktaa hai
ye intizaar ke lamhe ajiib hote hain

kabhi to manzaron ke is tilism se ubhar sakun
khaDaa huun dil ki sath par khud apne intizaar mein