shaikh ki daavat mein mai kaa kaam kyaa — Akbar Allahabadi

khincho na kamaanon ko na talvaar nikaalo
jab top muqaabil ho to akhbaar nikaalo

log kahte hain badaltaa hai zamaana sab ko
mard vo hain jo zamaane ko badal dete hain

ham aisi kul kitaabein qaabil-e-zabti samajhte hain
ki jin ko paDh ke laDke baap ko khabti samajhte hain

shaikh apni rag ko kyaa karein reshe ko kyaa karein
mazhab ke jhagDe chhoDein to peshe ko kyaa karein

jis taraf uTh gai hain aahein hain
chashm-e-bad-dur kyaa nigaahein hain

hayaa se sar jhukaa lenaa adaa se muskuraa denaa
hasinon ko bhi kitnaa sahl hai bijli giraa denaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

dard ki chaah mein pahle to kuredun shab-bhar
phir usi zakhm ko siine kaa mazaa letaa huun

baDhaai mai jo mohabbat se aaj saaqi ne
ye kaanpe haath ki saaghar bhi ham uThaa na sake

raaste shahr ke sab band hue hain tum par
ghar se nikaloge to 'makhmur' kidhar jaaoge