yahi Thahri jo shart-e-vasl-e-lailaa — Akbar Allahabadi

is qadar thaa khaTmalon kaa chaarpaai mein hujum
vasl kaa dil se mire armaan rukhsat ho gayaa

kaabe se jo but nikle bhi to kyaa kaaba hi gayaa jo dil se nikal
afsos ki but bhi ham se chhuTe qabze se khudaa kaa ghar bhi gayaa

izzat kaa hai na auj na neki ki mauj hai
hamla hai apni qaum pe lafzon ki fauj hai

maulvi saahib na chhoDeinge khudaa go bakhsh de
gher hi leinge police vaale sazaa ho yaa na ho

kyaa puchhte ho 'akbar'-e-shorida-sar kaa haal
khufiya police se puchh rahaa hai kamar kaa haal

ham mein baaqi nahin ab khaalid-e-jaan-baaz kaa rang
dil pe ghaalib hai faqat hafiz-e-shiraaz kaa rang

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

kabhi faaslon ki masaafaton pe ubuur ho to ye kah sukun
miraa jurm hasrat-e-qurb hai to yahi kami yahaan sab mein hai

hai ek umr se khvaahish ki duur jaa ke kahin
main khud ko ajnabi logon ke darmiyaan dekhun

tiraa visaal baDi chiiz hai magar ai dost
visaal ko miri duniyaa-e-aarzu na banaa

dil mein hai mulaaqaat ki khvaahish ki dabi aag
mehndi lage haathon ko chhupaa kar kahaan rakkhun

meri khvaahish hai ki ji bhar ke use dekh to luun
hijr ke mumkina sadmaat se pahle pahle