ham mein baaqi nahin ab khaalid-e-jaan-baaz kaa rang — Akbar Allahabadi

yahi Thahri jo shart-e-vasl-e-lailaa
to istifaa miraa baa-hasrat-o-yaas

kaabe se jo but nikle bhi to kyaa kaaba hi gayaa jo dil se nikal
afsos ki but bhi ham se chhuTe qabze se khudaa kaa ghar bhi gayaa

izzat kaa hai na auj na neki ki mauj hai
hamla hai apni qaum pe lafzon ki fauj hai

maulvi saahib na chhoDeinge khudaa go bakhsh de
gher hi leinge police vaale sazaa ho yaa na ho

kyaa puchhte ho 'akbar'-e-shorida-sar kaa haal
khufiya police se puchh rahaa hai kamar kaa haal

is qadar thaa khaTmalon kaa chaarpaai mein hujum
vasl kaa dil se mire armaan rukhsat ho gayaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

vo bhi milne nai poshaak badal kar aayaa
main jo kal pairahan-e-khaak badal kar aayaa

dil ko apne kyaa kisi kaa ghar kahun
aaj khalvat-khaana kal baazaar hai

baadalon ne aaj barsaayaa lahu
amn kaa har faakhta rone lagaa