dil dabaa jaataa hai kitnaa aaj gham ke baar se — Akbar Hyderabadi

charaagh-e-raahguzar laakh taabnaak sahi
jalaa ke apnaa diyaa raushni makaan mein laa

raste hi mein ho jaati hain baatein bas do-chaar
ab to un ke ghar bhi jaanaa kam kam hotaa hai

rut badli to zamin ke chehre kaa ghaaza bhi badlaa
rang magar khud aasmaan ne badle kaise kaise

pahunch ke jo sar-e-manzil bichhaD gayaa mujh se
vo ham-safar thaa magar ham-nazar na thaa meraa

yahi soch kar iktifaa chaar par kar gae shaikh-ji
mileingi vahaan un ko huur aur pariyaan vaghaira vaghaira

miri shikast bhi thi meri zaat se mansub
ki meri fikr kaa har faisla shuuri thaa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

kitne yaar hain phir bhi 'munir' is aabaadi mein akelaa hai
apne hi gham ke nashshe se apnaa ji bahlaataa hai

shahr kaa tabdil honaa shaad rahnaa aur udaas
raunaqein jitni yahaan hain auraton ke dam se hain