fareb-khurda hai itnaa ki mere dil ko abhi — Akhtar Muslimi

dehaat ke basne vaale to ikhlaas ke paikar hote hain
ai kaash nai tahzib ki rau shahron se na aati gaanv mein

mire dil pe haath rakh kar mujhe dene vaale taskin
kahin dil ki dhaDkanon se tujhe choT aa na jaae

ek hi anjaam hai ai dost husn o ishq kaa
shama bhi bujhti hai parvaanon ke jal jaane ke baad

mere kirdaar mein muzmar hai tumhaaraa kirdaar
dekh kar kyuun miri tasvir khafaa ho tum log

iqraar-e-mohabbat to baDi baat hai lekin
inkaar-e-mohabbat ki adaa aur hi kuchh hai

di us ne mujh ko jurm-e-mohabbat ki vo sazaa
kuchh be-qusur log sazaa maangne lage

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

kabhi dar par kabhi hai raste mein
nahin thakti hai intizaar se aankh

itnaa to samajhte the ham bhi us ki majburi
intizaar thaa lekin dar khulaa nahin rakkhaa

ai gardisho tumhein zaraa taakhir ho gai
ab meraa intizaar karo main nashe mein huun