mire dil pe haath rakh kar mujhe dene vaale taskin — Akhtar Muslimi

dehaat ke basne vaale to ikhlaas ke paikar hote hain
ai kaash nai tahzib ki rau shahron se na aati gaanv mein

ek hi anjaam hai ai dost husn o ishq kaa
shama bhi bujhti hai parvaanon ke jal jaane ke baad

fareb-khurda hai itnaa ki mere dil ko abhi
tum aa chuke ho magar intizaar baaqi hai

mere kirdaar mein muzmar hai tumhaaraa kirdaar
dekh kar kyuun miri tasvir khafaa ho tum log

iqraar-e-mohabbat to baDi baat hai lekin
inkaar-e-mohabbat ki adaa aur hi kuchh hai

di us ne mujh ko jurm-e-mohabbat ki vo sazaa
kuchh be-qusur log sazaa maangne lage

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dilon pe dard kaa imkaan bhi ziyaada nahin
vo sabr hai abhi nuqsaan bhi ziyaada nahin

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai

nazron ki tashaffi kaa bhi kar de koi saamaan
dil ke to bahalne ko tiraa naam bahut hai

tu ghazal ban ke utar baat mukammal ho jaae
muntazir dil ki munaajaat mukammal ho jaae