kabhi dar par kabhi hai raste mein — Bashiruddin Ahmad Dehlvi

miraa dil bhi tilismi hai khazaana
ki is mein khair bhi hai aur shar band

charaagh us ne bujhaa bhi diyaa jalaa bhi diyaa
ye meri qabr pe manzar nayaa dikhaa bhi diyaa

bandhan saa ik bandhaa thaa rag-o-pai se jism mein
marne ke baa'd haath se moti bikhar gae

zor se saans jo letaa huun to akasr shab-e-gham
dil ki aavaaz ajab dard bhari aati hai

vo apne matlab ki kah rahe hain zabaan par go hai baat meri
hai chit bhi un ki hai paT bhi un ki hai jiit un ki hai maat meri

ye un kaa khel to dekho ki ek kaaghaz par
likhaa bhi naam miraa aur phir miTaa bhi diyaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

ye daagh daagh ujaalaa ye shab-gazida sahar
vo intizaar thaa jis kaa ye vo sahar to nahin

jaantaa hai ki vo na aaeinge
phir bhi masruf-e-intizaar hai dil

ik umr kaT gai hai tire intizaar mein
aise bhi hain ki kaT na saki jin se ek raat

niind aa chali hai anjum-e-shaam-e-abad ko bhi
aankh ahl-e-intizaar ki ab tak lagi nahin