miri aarzu ki taskin na karam mein ne sitam mein — Akhtar Orenwi

main muntazir huun teri tamannaa liye hue
aa jaa farogh-e-husn ki duniyaa liye hue

kitne taabaan the vo lamhaat tire pahlu mein
do ghaDi meri bhi firdaus minaa guzri hai

na mizaaj-e-naaz-e-jalva kabhi paa sakin nigaahein
ki ulajh ke rah gai hain tiri zulf-e-kham-ba-kham mein

junun bhi zahmat khirad bhi laanat hai zakhm-e-dil ki davaa mohabbat
harim-e-jaan mein tavaaf-e-paiham yahi hai andaaz-e-aashiqaana

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

ham un se haal-e-dil ro ro ke betaabaana kahte hain
unhein dekho ki hans hans ke mujhe divaana kahte hain