khvaahishein khvaab dikhaati hain tire milne kaa — Aleena Itrat

husn-o-jamaal-o-zist ki aaraaishein fuzul
ishq-o-junun ki aag jo dil mein javaan na ho

lo hamaaraa javaab le jaao
ye mahaktaa gulaab le jaao

Thiik hai jaao ta'alluq na rakheinge ham bhi
tum bhi vaada karo ab yaad nahin aaoge

jin ke mazbut iraade bane pahchaan un ki
manzilein aap hi ho jaati hain aasaan un ki

ham havaa se bachaa rahe the jinhein
un charaaghon se jal gae shaayad

dil ke gulshan mein tire pyaar ki khushbu paa kar
rang rukhsaar pe phulon se khilaa karte hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

khvaahish sab rakhte hain tujh ko paane ki
aur phir apni apni qismat hoti hai

main nigaah-e-paak se dekhe thaa tire husn-e-paak ko is pe bhi
mire ji mein khvaahish-e-vasl thi tire dil mein bos-o-kanaar thaa

kyaa vo khvaahish ki jise dil bhi samajhtaa ho haqir
aarzu vo hai jo siine mein rahe naaz ke saath

tiri vafaa mein mili aarzu-e-maut mujhe
jo maut mil gai hoti to koi baat bhi thi