dil ke gulshan mein tire pyaar ki khushbu paa kar — Aleena Itrat

husn-o-jamaal-o-zist ki aaraaishein fuzul
ishq-o-junun ki aag jo dil mein javaan na ho

lo hamaaraa javaab le jaao
ye mahaktaa gulaab le jaao

Thiik hai jaao ta'alluq na rakheinge ham bhi
tum bhi vaada karo ab yaad nahin aaoge

jin ke mazbut iraade bane pahchaan un ki
manzilein aap hi ho jaati hain aasaan un ki

ham havaa se bachaa rahe the jinhein
un charaaghon se jal gae shaayad

khvaahishein khvaab dikhaati hain tire milne kaa
khvaab se kah de ki taabir ki surat aae

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

zindagi ho miri netaaon ki surat yaa-rab
ho faqat apni gharaz se hi mohabbat yaa-rab

ye mere ishq ki majburiyaan maaaz-allaah
tumhaaraa raaz tumhin se chhupaa rahaa huun main

husn ko sharmsaar karnaa hi
ishq kaa intiqaam hotaa hai

rudaad-e-gham-e-ulfat un se ham kyaa kahte kyunkar kahte
ik harf na niklaa honTon se aur aankh mein aansu aa bhi gae