Thiik hai jaao ta'alluq na rakheinge ham bhi — Aleena Itrat

dil ke gulshan mein tire pyaar ki khushbu paa kar
rang rukhsaar pe phulon se khilaa karte hain

husn-o-jamaal-o-zist ki aaraaishein fuzul
ishq-o-junun ki aag jo dil mein javaan na ho

lo hamaaraa javaab le jaao
ye mahaktaa gulaab le jaao

jin ke mazbut iraade bane pahchaan un ki
manzilein aap hi ho jaati hain aasaan un ki

ham havaa se bachaa rahe the jinhein
un charaaghon se jal gae shaayad

khvaahishein khvaab dikhaati hain tire milne kaa
khvaab se kah de ki taabir ki surat aae

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

sochaa thaa aadmi kaa qasida likheinge ham
matlaa kahaa hi thaa ki gadhaa yaad aa gayaa

choTi gundhvaai hui yaar ne khulvaa Daali
rahm aayaa koi mahbus-e-rasan yaad aayaa

saari duniyaa ke khayaalaat the dil mein lekin
jab se hai yaad tiri kuchh bhi nahin yaad mujhe

ab kisi ki yaad bhi aati nahin
dil pe ab fikron ke pahre ho gae