kar rahe hain zindagi mein maa'naviyyat ki talaash — Allama Talib Jauhari

pahunchi dilon ki aag hamaare khiyaam tak
lekin dhuaan to jaaegaa darbaar-e-shaam tak

ek kuein ki gahraai se misr ke takht-e-shaahi tak
dekhne vaali aankh ko kitne naadida baazaar mile

avval avval 'ilm faqat ik nuqta thaa
aakhir aakhir jehl banaa taavilon se

bichhDe the to saakit palkein sukhe peD ki shaakhein thiin
us se bichhaD kar duur chale to koson tak sailaab rahaa

jism ne apni 'umr guzaari sindh ke registaanon mein
dil kam-bakht baDaa ziddi thaa aakhir tak panjaab rahaa

in gali kuchon mein bahnon kaa muhaafiz kaun hai
kasb-e-zar ki dauD mein basti se maan-jaae gae

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

us ke karam kaa ek sahaaraa jo mil gayaa
phir umr bhar kisi ki zarurat nahin hui