us ke karam kaa ek sahaaraa jo mil gayaa — Nashir Naqvi

safar kaa khaatma hotaa nahin kahin apnaa
har ik paDaav se ik ibtidaa nikalti hai

jaane kab kaun se lamhe mein zarurat paD jaae
tum hamaare liye pahle se duaa kar rakhnaa

vafaa ki raah mein dil kaa sipaas rakh dungaa
main har nadi ke kinaare pe pyaas rakh dungaa

kam-umri mein sunet hain
mar jaate hain achchhe log

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

idhar to tuul diyaa hai umiid ko us ne
udhar hayaat ataa ki hai mukhtasar mujh ko

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

umr hi teri guzar jaaegi un ke hal mein
teraa bachcha jo savaalaat liye baiThaa hai

meri saari zindagi ko be-samar us ne kiyaa
umr meri thi magar us ko basar us ne kiyaa