bujhti aankhon mein tire khvaab kaa bosa rakkhaa — Alok Mishra

kyuun bataataa nahin koi kuchh bhi
aakhir aisaa bhi kyaa huaa hai mujhe

khud-kushi jaisi koi baat nahin
ik zaraa mujh ko bad-gumaani hai

mujhe pata hai ki rone se kuchh nahin hotaa
nayaa saa dukh hai to thoDaa chhalak gayaa huun main

sab sitaare dilaasa dete hain
chaand raaton ko chikhtaa hai bahut

kyaa zarurat hai mujh ko chehre ki
kaun chehre se jaantaa hai mujhe

main bhi bikhraa huaa huun apnon mein
vo bhi tanhaa saa apne ghar mein hai

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

'taabish' jo guzarti hi nahin shaam ki had se
sochein to vahin raat sahar-khez bahut hai

mujh tak us mahfil mein phir jaam-e-sharaab aane ko hai
umr-e-rafta palTi aati hai shabaab aane ko hai

hijr mein ik maah ke aansu hamaare gir paDe
aasmaan TuuTaa shab-e-furqat sitaare gir paDe