jab se dekhaa hai khvaab mein us ko — Alok Mishra

kyuun bataataa nahin koi kuchh bhi
aakhir aisaa bhi kyaa huaa hai mujhe

khud-kushi jaisi koi baat nahin
ik zaraa mujh ko bad-gumaani hai

mujhe pata hai ki rone se kuchh nahin hotaa
nayaa saa dukh hai to thoDaa chhalak gayaa huun main

sab sitaare dilaasa dete hain
chaand raaton ko chikhtaa hai bahut

kyaa zarurat hai mujh ko chehre ki
kaun chehre se jaantaa hai mujhe

main bhi bikhraa huaa huun apnon mein
vo bhi tanhaa saa apne ghar mein hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

khaak mein dil ko milaate ho ghazab karte ho
andhe aaine mein kyaa dekhoge surat apni

sukhan-e-sakht se dil pahle hi tum toD chuke
ab agar baat banaao bhi to kyaa hotaa hai

tu ne aghyaar se aaina mangaa kar dekhaa
dil mein aataa hai ki ab munh na dikhaaein tujh ko

kaabe ko gayaa chhoD ke kyuun dil ko tu ai shaikh
Tuk ji mein samajhtaa to sahi yaan bhi to rab thaa