jaane kyaa soch ke phir in ko rihaai de di — Ambar Bahraichi

baahar saare maidaan jiit chukaa thaa vo
ghar lauTaa to pal bhar mein hi TuuTaa thaa

soup ke daane kabutar chug rahaa thaa aur vo
sehn ko mahkaa rahi thi sunnatein paDhte hue

ye sach hai rang badaltaa thaa vo har ik lamha
magar vahi to bahut kaamyaab chehraa thaa

har ik nadi se kaDi pyaas le ke vo guzraa
ye aur baat ki vo khud bhi ek dariyaa thaa

ek sannaaTaa bichhaa hai is jahaan mein har taraf
aasmaan-dar-aasmaan-dar-aasmaan kyuun rat-jage hain

meraa karb miri tanhaai ki zinat
main chehron ke jangal kaa sannaaTaa huun

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

har qadam ko soch kar rakhiyegaa ab
haadisa hai raah mein chaltaa huaa

paa liyaa ahl-e-junun ne phir shahaadat kaa maqaam
aql vaale maghfirat ki hi duaa maangaa kiye

mire fikr o fan ko nai fazaa nae baal-o-par ki talaash hai
jo qafas ko yaas ke phunk de mujhe us sharar ki talaash hai

ujlat ke alaav mein kiye faisle 'aabid'
ab soch ki barfaani khaDaaun pe khaDe hain