meraa karb miri tanhaai ki zinat — Ambar Bahraichi

soup ke daane kabutar chug rahaa thaa aur vo
sehn ko mahkaa rahi thi sunnatein paDhte hue

ye sach hai rang badaltaa thaa vo har ik lamha
magar vahi to bahut kaamyaab chehraa thaa

har ik nadi se kaDi pyaas le ke vo guzraa
ye aur baat ki vo khud bhi ek dariyaa thaa

jaane kyaa soch ke phir in ko rihaai de di
ham ne ab ke bhi parindon ko tah-e-daam kiyaa

ek sannaaTaa bichhaa hai is jahaan mein har taraf
aasmaan-dar-aasmaan-dar-aasmaan kyuun rat-jage hain

baahar saare maidaan jiit chukaa thaa vo
ghar lauTaa to pal bhar mein hi TuuTaa thaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

gham-e-hayaat ne aavaara kar diyaa varna
thi aarzu ki tire dar pe subh o shaam karein

us shakhs ke gham kaa koi andaaza lagaae
jis ko kabhi rote hue dekhaa na kisi ne

ab kaargah-e-dahr mein lagtaa hai bahut dil
ai dost kahin ye bhi tiraa gham to nahin hai