dhuup kaafi duur tak thi raah mein — Amber Shameem

khvaab aansu ehtajaaji zindagi
puchhiye mat shahr-e-kalkatta hai kyaa

saaebaan kyaa abr kaa TukDaa hai kyaa
dhuup to maalum hai saayaa hai kyaa

kaun detaa hai sadaaein mujh ko
kis ke honTon kaa asar baaqi hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai