khvaab aansu ehtajaaji zindagi — Amber Shameem

dhuup kaafi duur tak thi raah mein
lamha lamha ho gayaa paikar siyaah

saaebaan kyaa abr kaa TukDaa hai kyaa
dhuup to maalum hai saayaa hai kyaa

kaun detaa hai sadaaein mujh ko
kis ke honTon kaa asar baaqi hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

umanD ke aankh se ik baar bah chale aansu
hansi hansi mein jo zikr-e-vidaa-e-yaar aayaa

udaasiyon ko to aangan hi chaahiyein khaali
chhaton pe chaandni raaton kaa silsila rakhnaa

vo jis kaa shauq hai khilte gulaab mal denaa
gale milo to use bhi udaas kar jaanaa