vaqaar-e-shauq se gir kar bhi vaar mat karnaa — Ameer Nehtauri

dil ke zakhmon ko sajaane kaa hunar rakhtaa huun
mustaqil main tiri yaadon kaa safar rakhtaa huun

dard ne li angDaai aisi
zakhm kaa ik ik Taankaa TuuTaa

ham apne zakhmon pe rakh lein namak zaruri hai
dayaar-e-ishq mein un ki mahak zaruri hai

hogi na chaaraagar tiri tadbir kaargar
ham ko khud apne zakhmon ki chaahat hai aaj-kal

furqat ki shab khaamoshiyaan zakhmon ki phir angDaaiyaan
aankhein jab apni nam huiin bechaargi achchhi lagi

ruuh se lipTe dard ke manzar
TuuT rahe hain zakhm ke paikar

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ishq phir ishq hai aashufta-sari maange hai
hosh ke daur mein bhi jaama-dari maange hai

roz hi piinaa roz pilaanaa roz ghamon se Takraanaa
ik din mai ko bhuul ke aao gangaa-jal ki baat karein

aab-e-haivaan ko mai se kyaa nisbat
paani paani hai aur sharaab sharaab

aankhon se pilaate raho saaghar mein na Daalo
ab ham se koi jaam uThaayaa nahin jaataa