hamaari umr ab aisi hai ham siiTi nahin sunte — Ameerul Islam Hashmi

bahut mushkil thaa jin ko DhunDnaa make-up ke malbe se
so andaaze se un kaa baankpan likhnaa paDaa mujh ko

chhoDaa hai jab se parda mardaa gai hai aurat
radd-o-badal hai kyaa kyaa ye arz phir karungaa

zulekhaaein ba-zid thiin ek yusuf ke liye yaaro
baDi hi garmi-e-baazaar thi kal shab jahaan main thaa

miri majburiyon ne naazuki kaa khuun kar Daalaa
har ik gobhi-badan ko gul-badan likhnaa paDaa mujh ko

pata mushkil se chaltaa hai muzakkar aur muannas kaa
kabhi maalum hotaa hai kabhi maalum hoti hai

jinhein saaDi mein aanaa thaa vo patlunon mein aaiin thiin
tamiz-e-mard-o-zan dushvaar thi kal shab jahaan main thaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi biit gai ginte hue taarikhein
khaa gai vaqt ki divaar calendar kitne

zindagi ik aansuon kaa jaam thaa
pi gae kuchh aur kuchh chhalkaa gae

is soch mein zindagi bitaa di
jaagaa huaa huun ki so rahaa huun