is soch mein zindagi bitaa di — Shahid Kabir

tabaah kar gai pakke makaan ki khvaahish
main apne gaanv ke kachche makaan se bhi gayaa

kaanTon ko pilaa ke khuun apnaa
raahon mein gulaab bo rahaa huun

be-sabab baat baDhaane ki zarurat kyaa hai
ham khafaa kab the manaane ki zarurat kyaa hai

mai-khaane ki baat na kar vaaiz mujh se
aanaa jaanaa teraa bhi hai meraa bhi

girne do tum mujhe miraa saaghar sambhaal lo
itnaa to mere yaar karo main nashe mein huun

zindagi ik aansuon kaa jaam thaa
pi gae kuchh aur kuchh chhalkaa gae

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

kabhi mauj-e-khvaab mein kho gayaa kabhi thak ke ret pe so gayaa
yunhi umr saari guzaar di faqat aarzu-e-visaal mein

zindagi mein kasak zaruri thi
ye khalaa pur tiri kami se huaa

kuchh aise phuul bhi guzre hain meri nazron se
jo khil ke bhi na samajh paae zindagi kyaa hai