zindagi ik aansuon kaa jaam thaa — Shahid Kabir

is soch mein zindagi bitaa di
jaagaa huaa huun ki so rahaa huun

kaanTon ko pilaa ke khuun apnaa
raahon mein gulaab bo rahaa huun

be-sabab baat baDhaane ki zarurat kyaa hai
ham khafaa kab the manaane ki zarurat kyaa hai

mai-khaane ki baat na kar vaaiz mujh se
aanaa jaanaa teraa bhi hai meraa bhi

girne do tum mujhe miraa saaghar sambhaal lo
itnaa to mere yaar karo main nashe mein huun

tabaah kar gai pakke makaan ki khvaahish
main apne gaanv ke kachche makaan se bhi gayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

meri tanhaai ki pagDanDi par
mere ham-raah khudaa rahtaa hai

jo kahkashaan si nazar aati hain miri aankhein
guzishta shab ke ye aansu hain jo sitaare hue

ab ye aalam hai ki gham ki bhi khabar hoti nahin
ashk bah jaate hain lekin aankh tar hoti nahin