ab ban ke falak-zaad dikhaate hain hamein aankh — Anand Narayan Mulla

shama ik mom ke paikar ke sivaa kuchh bhi na thi
aag jab tan mein lagaai hai to jaan aai hai

ishq mein vo bhi ek vaqt hai jab
be-gunaahi gunaah hai pyaare

main faqat insaan huun hindu musalmaan kuchh nahin
mere dil ke dard mein tafriq-e-imaan kuchh nahin

kahne ko lafz do hain ummid aur hasrat
in mein nihaan magar ik duniyaa ki daastaan hai

us ik nazar ke bazm mein qisse bane hazaar
utnaa samajh sakaa jise jitnaa shuur thaa

nizaam-e-mai-kada saaqi badalne ki zarurat hai
hazaaron hain safein jin mein na mai aai na jaam aayaa

sau iid agar zamaane mein laae falak va-lek
ghar se hamaare maah-e-muharram na jaaegaa

miri uDaan agar mujh ko niche aane de
to aasmaan ki gahraai mein utar jaaun

aap daaman ko sitaaron se sajaae rakhiye
meri qismat mein to patthar ke sivaa kuchh bhi nahin

koi zamin hai to koi aasmaan hai
har shakhs apni zaat mein ik daastaan hai

in sitaaron mein kahin tum bhi ho
in nazaaron mein kahin main bhi huun

ye aarzu ke sitaare ye intizaar ke phuul
chamak rahi hain khataaein mahak rahe hain gunaah