nizaam-e-mai-kada saaqi badalne ki zarurat hai — Anand Narayan Mulla

ishq mein vo bhi ek vaqt hai jab
be-gunaahi gunaah hai pyaare

main faqat insaan huun hindu musalmaan kuchh nahin
mere dil ke dard mein tafriq-e-imaan kuchh nahin

kahne ko lafz do hain ummid aur hasrat
in mein nihaan magar ik duniyaa ki daastaan hai

us ik nazar ke bazm mein qisse bane hazaar
utnaa samajh sakaa jise jitnaa shuur thaa

husn ke jalve nahin muhtaaj-e-chashm-e-aarzu
shama jalti hai ijaazat le ke parvaane se kyaa

shama ik mom ke paikar ke sivaa kuchh bhi na thi
aag jab tan mein lagaai hai to jaan aai hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

junun bhi zahmat khirad bhi laanat hai zakhm-e-dil ki davaa mohabbat
harim-e-jaan mein tavaaf-e-paiham yahi hai andaaz-e-aashiqaana

zindagi kyaa hue vo apne zamaane vaale
yaad aate hain bahut dil ko dukhaane vaale

nigaahein muntazir hain kis ki dil ko justuju kyaa hai
mujhe khud bhi nahin maalum meri aarzu kyaa hai

dil ke auraaq mein mahki hui kaliyon ki tarah
ek ik yaad tiri hasb-e-zarurat rakh li