ishq mein vo bhi ek vaqt hai jab — Anand Narayan Mulla

shama ik mom ke paikar ke sivaa kuchh bhi na thi
aag jab tan mein lagaai hai to jaan aai hai

main faqat insaan huun hindu musalmaan kuchh nahin
mere dil ke dard mein tafriq-e-imaan kuchh nahin

kahne ko lafz do hain ummid aur hasrat
in mein nihaan magar ik duniyaa ki daastaan hai

us ik nazar ke bazm mein qisse bane hazaar
utnaa samajh sakaa jise jitnaa shuur thaa

husn ke jalve nahin muhtaaj-e-chashm-e-aarzu
shama jalti hai ijaazat le ke parvaane se kyaa

nizaam-e-mai-kada saaqi badalne ki zarurat hai
hazaaron hain safein jin mein na mai aai na jaam aayaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

roz milne pe bhi lagtaa thaa ki jug biit gae
ishq mein vaqt kaa ehsaas nahin rahtaa hai

mil mil gae hain khaak mein laakhon dil-e-raushan
har zarra mujhe arsh kaa taaraa nazar aayaa

mujhe maalum hai ahl-e-vafaa par kyaa guzarti hai
samajh kar soch kar tujh se mohabbat kar rahaa huun main

aansu miri aankhon se nikal jaate hain aksar
vo daur-e-mohabbat kabhi bhulaa to nahin huun