baadalon ne aaj barsaayaa lahu — Zafar Hameedi

jaane kis kirdaar ki kaai mere ghar mein aa pahunchi
ab to 'zafar' chalnaa hai mushkil aangan ki chiknaai mein

jab bhi vo mujh se milaa rone lagaa
aur jab tanhaa huaa rone lagaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

kisi ki yaad manaane mein iid guzregi
so shahr-e-dil mein bahut duur tak udaasi hai

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main