un se izhaar-e-muddaaa na kiyaa — Anisa Haroon Sharwaniya

muusaa nahin ki taab na laaun main husn ki
be-parda saamne mire tu bhi to aa ke dekh

dayaar-e-ishq mein tanhaa rahaa nahin hargiz
khushi ne haath jo chhoDaa to gham ne thaam liyaa

jaate hi un ke ziist ki surat badal gai
allaah itni der mein qismat badal gai

kyaa barbaad jin ko vo tamannaaein tumhaari thiin
na hasrat meri hasrat thi na armaan meraa armaan thaa

teraa naam likhti hain ungliyaan khalaaon mein
ye bhi ik duaa hogi vasl ki duaaon mein

agar ye zid hai ki mujh se duaa salaam na ho
to aisi raah se guzro jo raah-e-aam na ho

jab lagein zakhm to qaatil ko duaa di jaae
hai yahi rasm to ye rasm uThaa di jaae

dekh kar tul-e-shab-e-hijr duaa kartaa huun
vasl ke roz se bhi umr miri kam ho jaae

mujh ko rote dekh kar paas aae vo tafhim ko
kyuun na dil se duun duaaein apne ghain o miim ko

dekho nigaah-e-shauq se meri taraf mujhe
ye muddaaa hai aur koi muddaaa nahin