dayaar-e-ishq mein tanhaa rahaa nahin hargiz — Anisa Haroon Sharwaniya

muusaa nahin ki taab na laaun main husn ki
be-parda saamne mire tu bhi to aa ke dekh

un se izhaar-e-muddaaa na kiyaa
kyaa kiyaa main ne haae kyaa na kiyaa

jaate hi un ke ziist ki surat badal gai
allaah itni der mein qismat badal gai

kyaa barbaad jin ko vo tamannaaein tumhaari thiin
na hasrat meri hasrat thi na armaan meraa armaan thaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

udaas aankhon se aansu nahin nikalte hain
ye motiyon ki tarah sipiyon mein palte hain

dasht ki naa-tamaam raahon par
koi saathi hai to shajar tanhaa