rah-e-hayaat mein shaayad hi vo maqaam aae — Anwar Kaifi

ye to ho saktaa hai ki donon ki manzil ek ho
phir bhi us ke ham-safar hone ki farmaaish na kar

gharib bhuuk ki Thokar se khuun khuun hue
kisi amiir ko ab to lahu ki baas aae

ye daur mohabbat kaa lahu chaaT rahaa hai
insaan kaa insaan galaa kaaT rahaa hai

dil se nikli hui har aah ki taasir mein aa
maang le rab se mujhe aur miri taqdir mein aa

jo kar rahe the zamaane se gumrahi kaa safar
unhin ke naam kiyaa haq ne bandagi kaa safar

miri qismat ki kashti bahr-e-gham mein Duub sakti thi
tiri taqdir se shaayad miri taqdir ubhri hai

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

palaT ke aae na aae koi sune na sune
sadaa kaa kaam fazaaon mein gunjte tak hai

ek dariche se do aankhein roz sadaaein deti hain
raat gae ghar lauTne vaalo shaad raho aabaad raho