doston ko bhi tah-ba-tah rakh de — Aqeel Abbas

jaane is vaqt kahaan phone paDaa ho us kaa
jaane is vaqt vo kis shakhs ki aaghosh mein ho

sipah-gari kaa hunar bhi sukhan-vari bhi ho
main chaahtaa huun ki lashkar bhi ho pari bhi ho

ek bosa udhaar hai tum par
aur chaae bhi tez patti ki

khudaa ko khat likhungaa khud-kushi kaa
likhungaa main resign kar rahaa huun

safar nigal gae ham ko vagarna ham ne bhi
kahin pahunch ke kisi ko gale lagaanaa thaa

lams-e-husn-e-'ajib ki khvaahish
sar uThaati thi maar di main ne

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

jo ghair the vo isi baat par hamaare hue
ki ham se dost bahut be-khabar hamaare hue

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe